كم من عاشق يجهل معنى الغرام

[راعي الهوى]

كم من عاشق يجهل معنى الغرام



ياصاحبي أبسألك ..أبنشدك ..

وشو الغرام

ياصاحبي اسمع لي ترى ..

تاه العقل وسط الزحام ..

وشو الغرام

انك تسهر ماتنام

أو هو كلام

أو حروف دوم تسطر الأوهام

أو هو حقيقة ..أو حرام

ياصاحبي لو أسألك ..

كم هم من يوفون العهود

ولو أسألك كم واحد تقدر..

تعطيه الأمان

عندك جواب

ياصاحبي ماقصدي اني أحرجك ..

وبظنوني إني أوهمك

بس المصاب ماهو سهل..

المشكلة إني انا ..

وين ماأروح..

ألقى الناس بيها جروح..

فيها ألم ..فيها شجن..

وفيها صراخ منه أنوح..

ياصاحبي بهذا الزمن ..

ماتقدر تآمن لأحد ..

أقرب رفيق جنبك اسأله ..

بهالحياة يقدر يحل المسألة

ياصاحبي مالي رجا بأي أحد ..

أقدر أبوح ..

وأقدر أصد..

وبغيره الواحد الأحد ..

الرب الصمد ..

مالي رجا ..ومالي سند..

ياصاحبي هذا الزمن ..

غير الزمن ..

فيه القلوب .ماهي قلوب..

وفي الغرام ..معنى الحرام..

وفيه النفاق أصل الحيــاة ..

وفيه الكذب نبع صفــــا..

فيه ..وفيه ..وفيه..

ياصاحبي لوجاك فيوم حد واسألك ..

وشو الغرام

قول له حــــرام..

وانك تخلي غيرك ماينام..

يسهر الليل وتنام الأنام ..

مسكيــــــــــــــــن ..

كم عاشق يجهل معنى الغرام ..

وكم واحد عشقه..

كله أوهام ..

ماهم قلال ..

ياصاحبي في وقتنا ..

انمحى معنى الوفـــا ..

وانعدم معنى الأمــــان ..

في وقتنا صار العشق ..

أكبـــر حـــرام...

وأنصحك ياصاحبي ..انسى الغرام ..

ولا تسأل عن معناه أبد ..

ولاتجاوب إذا سألك أحد..

بس ناظره بعيونك ..

وقول له ..

ترى الغرام ..فيه الرضا ..

وفيه الخصام ..

وهو سر بوسط الظلام ..

كذا بتحل المسأله ..لأن الغرام .. في وقتنا ياصاحبي ..

صــار أكبــر.......................

************
تحياتي لكم
راعي الهوى

[دلوعة سيهات]

مشكوووووووووووووووووووووووووووووووووووووووووو ووور
يسلمووووو
والله يعطيك العافيه على مجهودك الرئع
ننتظر جديدك

تحياتي

دلوعة سيهات

[راعي الهوى]

يسلموووووووووو
على المرور نورتي الصفحه بردك الرائع

تحياتي
راعي الهوى

[حوريه]

كلمــات رائعـــه ,,

يسلمووو ( راعي الهوى ) ع الخاطره الحلووه


سلمت أناملك وبأنتظار المزيد من بووح قلمك

تحيــاتووو معطره ,,

(((حوريــه)))

[نبع الحنان]

الله يعطيك العافيه على مجهودك

[راعي الهوى]

يعطكم ربي الف عافيه على الرد الحلو
والمشاركه الاحلى منكم
نورتوا الصفحه انشاء الله ما انحرم منها

تحياتي
راعي الهوى

[نزف الجروح !]

يؤيؤ

صار اكبر شنووو ..

باقي كلمه له >>> متفاعله البنت مع القصيده هع هع

يســلمــوو راعي ع الكلمات الرائعه ..

تميز قلمك هنا في هذه الصفحه فاحتار قلمي في الرد عليك باجمل من ماكتبت .

ســلمــت يمــناك ووننتظر جديدك ..

[طير الغرام]

مشكور جداَ على كلامك الرائع والجميل

تحياتي

[بنت الشرق]

وهو سر بوسط الظلام ..

يعطيك عافيه اخوي راعي الهوى دائما متالق في شعرك نتظرمنك المزيد
تحياتي بنت الشرق