هل تتزوج فتاة كنت على علاقة بها............؟؟

[جودي]

بسم الله الرحمن الرحيم
أحب أسأل هذا السؤال لي بيدور في رأس أي بنت
هل تتزوج فتاه كنت على علاقة بها؟ سؤال للنقاش
محادثه هاتفيه بين بـــدر و خـــالد
نبدأ بالمحادثـــه
الووو هلا خـــالد أنا بدر
هلا خالد ... بدر : عندي موضوع ابغى اكلمك فيه بخصوص بنت
وش رايك في هذه البنت تكلمني وتبي تتزوجني
البنت محترمة وماترضى تعمل اي غلط
خالد : اها طيب ليش ما تتزوجها ؟؟
بدر : لانها رضت تكلمني
خالد : بس انت تقول انها محترمة وانت تعمقت معها؟
بدر : صحيح وهي محترمة جدا لكن..!!.
خالد : لكن ايش ؟
بدر : اكيد كلمت غيري لانها كلمتني !!
خالد : مب شرط !!
بدر : الا شرط
خالد : لكنك تكلمها من فترة طويلة ولما جا وقت الجد وقلنا زواج تهربت !!
بدر : صح لكن ....... عندي مبدا اللي كلمتني تكلم غيري وتخون ..!!
ويستمر الحديث الذي لا ينتهي .........
برأيكم
هل تقبل ايها الشاب ان تتزوج من تلك الفتاه التي اقمت معها علاقه سابقه؟
وبرأيك ايتها الفتاه هل توافقي على الزواج من ذلك الشخص ؟
هل ينجح هذا الزواج ...؟
ام ان الشك يسيطر على الطرفين؟
واتمنى ان اسمع اراء الجميع من الشباب والفتيات
بأنتظاركم

[سمو الأميرة]

يسلموووو اختي جودي على الموضوع وعلى الطرح يعطيش الف عافيه
انا ابي اسأل سؤال اذا هو مايبي يتزوجها ليش بالاساس كلمها من اول
يعني غريب صحيح
وانا ما اقبل صحيح بهالشي لان مو كل اثنين يتعرفوا على بعض بيكونون صريحين مع بعض
نادرين الا يكونوا صادقين مع بعض وينعدوا على اصابع اليد الوحده بعد
وهذا الا تفكيره كذا انا مابتزوج وحده لانها كلمتني وماادري كلمت غيري قبل ولا لا
واحد تفكيره مريض مع احترامي بس هذي وجهة نظري
واتمنى من الاعضاء الشباب يتفاعلوا مع الموضوع ويعطونا وجهة نظرهم بعد :)
مشكوووره مررره ثانيه اختي جووودي
تقبلي خالص ودي...

[آبٌٍــوٍجُـًـوٍوٍدَ]

اللهم صلي على محمد وال محمد

هلا والله اختي جووودي

اول شي احب الفت انتباهكم الى هده النوع من الشباب يعني اهووه متعرف عليه ويقول احبك ومادري شنو هده بس كله وقت تسليه والبنت مسكينه ماتدري عن شي يعني كل ماقال لها كلمه صدقته وفي نفس الوقت فيه ناس استغفرالله يعني ماعندهم ذمه ولا ضمير يعني يتعرف على الوحده فتره طويله ويوعدها بالجنه والكلام الزين وكل شي وبعدين وقت الزواج يهرب عنها

اما بالنسبه الى السؤال اللي قلته الاخت جودي هل يستمر الزواج او يسيطر عليه الشك

هده يعتمد على الشخصين نفسهم يعني كثير من الناس تزوجو عن هده الطريقه وعايشين في حب وسلام وبعيد عن المشاكل وفيه ناس حسب عقولهم ومثل ماقالت الاخت سمو ناس مريضين

صحيح مريضين بمرض الشك والغيره بس انا اقول مدام انت ماتبي تزوجها لين يعني تلعب بمشاعرها وتعلقها فيك وتخليها بين الجنه وكل شي تشوفه حلوو وبعدين تقولها باي حرام ياخي
يقولون شيابنا من دق باب بيت الناس دقووو بابه زي ماتخاف على اهلك هم بنات الناس خاف عليهم عاد سواء بالنت او غير النت هده شرف ناس مو لعبه عرض وكل شي ولا عرض الناس والبنت مو مثلك او مثل الرجال يعني لو انكسر شي فيها تصلح بالعكس البنت من ينكسر فيها شي خلاص مايتصلح زي الزجاجه وانا من ناحيتي اقول لكم يابنات العالم ادا تعرفتوون على شخص اول شي تقولوو له البيت مفتووح تبيني تعال غير كده ماعندي والله يستر علينا وعلى جميع المؤمنين والمؤمنات مشكووووره خيتي جوودي على الموضوع الحلووو ربي يعطيك الف الف عافيه لا عدمناك ولا عدمنا مواضيعك لك اجمل تحياتي

[Shy girl]

بسم الله الرحمن الرحيم

انا برايي انه اذا تركها يكون قليل اصل وكما تدين تدان
واذا كان مب واثق فيها من البداية ليش كلمها وليش لعب بمشاعرها
ومو شرط اذا كلمته يعني كلمت غيره
هي يمكن من حبها له كلمته

واتا اعرف ناس تزوجوا عن حب وخلفوا صبيان وبنات وعاشوا في سعادة وهناء
الثقة هي اساس العلاقة
اذا مافي ثقة انهدم كل شي

يسلموا على الطرح