دخول البنات إلى البقالة؟؟!!

[طير الغرام]

بسم الله الرحمن الرحيم

السلام عليكم ورحمة الله وبركاته

سمعت بعض الشباب يتكلمون في ذا الموضوع قلت انقله لكم ..

واسمحوا لي بتكلم بالعامي

المشهد او بالاحرى المنظر الحاصل ..

انت رايح للبقاله .. تشتري اغراض حق بيتكم او اغراض لك شخصيا .. ويوم دخلت شفت لك بنتين ثلاث بنات في البقاله مع العلم انه محترمات ومافيهم شيء يخدش الحياء .. والبقاله صغيره .. او العكس انت تكون داخل والبنات يجون البقاله

اللي ابي اعرفه يعني .. ليش هالبنت ما توقف برى البقاله .. تسستنى صاحب البقاله يطلع لها .. بنقول انها ما تعرف شنو تاخذ .. على الاقل يعني تنتظر ليين الشباب اللي في البقاله يطلعون بعديين تتفضل تشتري اللي تبيه ..

لان دخولها للبقاله والمساحه صغيره حقيقه يسبب احراج وكذا موقف صار لي انا شخصيا .. اروح يمين تجيني يمين اروح يسار تجيني يسار ورقعها ما عرفت شسوي طلعت
السؤال هني ..

شنو الحل يا ترى اللي تشوفونه .. عشان نتخلص من ذي المشكله ؟؟ !

وهل انت ايها الشاب ترضى تخلي اختك تروح البقاله ..( بذي الطريقه ) .. وهي عاطيه الرجال اشكل ولا مهتمه فيهم ؟؟

والسموحه على الاطاله

[آبٌٍــوٍجُـًـوٍوٍدَ]

اللهم صلي على محمد وال محمد

اخوي الطائر مشكووور على المووضوع الرووعه وصج هده حقيقه صايره عندنا

بس انا اتكلم بالنسبه عني من العيب انه البنت تروح البقاله وتدخلها لنه كده مشكله صارت من قبل شهرين او ثلاثه اشهر بالخصاب بعد اخي شان تدكرها الهندي الذي اغتصب طفله في البقاله غلط من اساسه انه البنت تطلع بروحه وانا مافيه امل اهلي يروحون بقاله او مركز من غير مرافق وثاني شي انت شنو حظرتك انك تكوون جالس بالبيت وتخلي اختك تطلع تروح تشتري لها او الى البيت اغراض احين عكس عن الاول بتقول منت موجود فيه جوال اتصلي وانا ارجع البيت اشوف شنو تبين واحين عندنا بعض البقالات يوصون الاغراض الى البيت بس تتصل تطلبهم حقيقه هده مشكله بقدها وانا معاك اخي المفروض ماتروح ولا بنت الى اي بقاله وتدخلها شنو يصير ادا انتظرتي بره وطلع العامل واخدتي اللي تبينه مشكووور اخوي الطائر

وعذرا على الاطاله واحلى تحياتي لك ولا تحرمنا جديدك

[ŘėTąj]

مشكور اخوي الطائر الشرير على الموضوع
انا اشوف انه ماله داعي تروح البنت للبقاله
لان مومن الحاجات الضرورية الي تستدعي روحتها للبقاله و
تقدر تخلي اخوها اواي احد يجيب لها الي تبيه
مشكور مرة ثانيه والله يعطيك الف عافيه

[رحمه]

مشكور على الموضوع لكن اللي ماعندها اخوان ويش تسوي يعني في الحقيقه مو ضروري تدخل البقاله تنتظر برا بس اللي عندها الوالد كبير في السن وماعندها اخوان شنو تسوي دي كل شيء غلط غلط .على العموم البنت المحترمه تظل محترمه .:o انا ما ادخل بقالات الحمد لله اخواني مايقصرون بس اعرف بنت هذا وضعها .
تحياتي

[نزف الجروح !]

..

يسلمــووو اخوي ع المــووضــووع ,,

صحيح انه من العيب انه تدخل البقاله اذا كانت مساحتها صغيره بس لما تكون سوبر ماركت مثلا وكبير عادي ,,


اما على سالفه انا اخوها يشتري لها بعض الاخوه مايرضو يتحججو ومالى ذلك,,

وفي الاخير دخولها البقاله وهي صغيره الحجم غلط تنتظر الباع او العامل وتطلب الي تباه اما انه مايعرف شنو تبا مب سبب مقنع,,

والحمد لله اخواني مكفيني وانا من اساس مااحب روحه البقالات وحتى ولو كانت كبيره,,

سلملم,,

[طير الغرام]

بسم الله الرحمن الرحيم


اشكر الجميع على المرور الطيب ولا عدمنا طلتكم الحلوه ..

بالنسبة الى موضوع البنت اللي ابوها كبير في السن وما عندها اخوان .. نفس الشيء يعني ما قلنا لا ترروحوون البقالات ولكن لا تدخلوها ان كانت صغيره .. ومو لا تدخلوها يعني اذا شفتوا رجال فيها .. بعد يعني لا تفكرون تدخلوا استنوا برى .. اما اذا مثل ما قالت اختي انات حائره اذا كان سوبر ماركت ذا شي ثاني يعني ما اشوف فيه شي لو راحت البنيه مع اخوها او ما شابه ذلك لان السوبر ماركت بطبيعته كبير ......


تشكرون مرة اخرى ولا عدمنا مروركم الطيب ..

تحياتي

الطائر الشرير

[جلنار]

أنا مااروح بقالات بس اروح سوبر ماركت<<

في الشهر مره ومع امي ..

ممنوع روحات البقالات عندنا

يعطيك العافيه

[طير الغرام]

السلام عليكم ورحمة الله وبركاته

بسم الله الرحمن الرحيم

شكرا لكم أعزائي الاعضاء على المرور الطيب ...

واشكركم على تفهم الوضع وان شاء الله نشوف هذه الظاهره تقل ومن ثم تتلاشى

تحياتي

[صفوانيه]

مشكوور اخووي يعطيييك الف عاااااافيه
انا بلنسسبه لييي انو المفررروض البنت ما تدخللل البقاااله تبغى تتشتري شي ترووح سوبر ماركت
وذذااا مره ما في تحتهم الا بقااله اوووكي عادي ترروح بسس لا تتدخللل اهي تخلي راعي البقاللله اهو اليي يعطييها غرضها وعن الاحرراج
يسسسلموووووو ننتضر ابداعاتك

[سمو الأميرة]

الحمدلله انا البيت اساسا مااطلع منه
وبعدين في بقالات يكوووون شباب واقفين او جالسين جنبها وتنحرج البنت توقف لين مايطلع لها العامل شالحل؟؟
مشكووور على العموووم اخوي الطائر على الطرررح :)
تقبل مروووري,,,,

[طير الغرام]

اختي صفوانيه ..

يسلمو على المرور الطيب ولا عدمنا هذه الطله


اخيتي سمو الاميره ..

بالنسبة الى وقوف الشباب عند البقاله اوبالشارع ذا اساسا غلط وذي مشكله اعظم من الاولى

فكلامك صحيح .. يعني مشكله بعد تروح البنت تنتظر البائع يجيها وجنب البقاله صبيان

هذي مشكله اخرى لربما نتطرق اليها في وقت لاحق

شاكر لك مرورك ولا عدمنا ذلك

تحياتي

[وردة الظلام]

تسلم اخوي على الموضوع
بصراحه اني اروووح البقاله بس اذا كان فيها شباب ما ادخل وما اروح لوحدي لازم تكون مع وحده من خواتي بس ماروح الا لضروره يعني في السنه مره وحده والحمد لله البقاله مايجلسو جمبها شباب ولو كنت داخله البقاله وجوا شباب اكيد اني بطلع منه لاني ماحب الزحمه والسوبر ماركت احسن بكثير لان كبير واااااااااايد واني اوافق اخواني اراي بس شسوي اذا اخوي ماكن موجود
مشكوووووووووووووووور اخوي
الله يعطيك العافيه
تقبل مروري
وردة الظلام

[طير الغرام]

شاكر لش مرورش اخيتي وردة الظلام ولا عدمنا هذه الطله


تحياتي

[حمــودي]

مشكور اخوي ع الموضوع

بصراحه انا لا أويد دخول البنات للبقاله لأن لو كان شباب داخل لكان الله اعلم بمذا سيحدث

تحياتي

[Shy girl]

انا أشوف ان شسمه اذا كانت البنت محترمة نفسها مو مشكلة لا عيب ولاشي
وبعدين احسكم طايحين علينا طيحة

انا عن نفسي ما اروح البقالة واذا باروح ما اروح لحالي
بس اذا كنا محتاجين وماشاء الله اخوانا هابين ريح مايرفضون لنا طلب <<<<<مرة في الاحلام

نبتلش يعني ومو حلوة ان البنت تستنى برا بعد لين مايطلع الريال

وانا مرة رحت بقالة من زمااااااااااااااااااااااان والبياع لما دخلنا طلع الشباب اللي هناك خخخخخ<<<<<<وناسة

زي ماقلت الوحدة ساعات تجبرها الظروف انها تروح لحالها
وساعات الوحدة بعد ماتتذكر شتبي الا اذا شافته

وما ادري هذا رايي

اعذروااا خربشاتي

[طير الغرام]

خخ حياش خيتي وصحيح كلامش والله يكون بعونكم والله

شاكر لش مرورش لا عدمنا ذلك

تحياتي

[ابورائد]

انااعتقد ان الحين البقالات صارت قليلة والبديل الافضل هو السوبر ماركت لانه فرصة للتسوق والحين بقالاتنا كلها اجانب والافضل عدم الدخول الااذا اقتضى الامروالله يستر على الجميع واشكرك اخي على طرحك مع تحياتي اخوكم ابورائد

[طير الغرام]

اخووي ابو رائد اشكرك جزيل الشكر على تنوريك صفحتنا

ولا عدمناك .. وكلامك عين الصواب

تقبل تحياتي